Смешна сцена синоќа имаше на „Вембли“ кога еден од стјуардите не го препозна Бонучи и сакаше да го врати на трибината кај навивачите мислејќи дека е узурпатор.
Како за промена, Леонардо Бонучи доби дефанзивна лекција. Радоста за победата на неговата Италија над Шпанија по изведувањето на пеналите замина да ја прослави со распеаните навивачи, но потоа не му беше дозволено да се врати на теренот.
Имено, една од стјуардите, кои патем внимаваат на трибините со грб завртени кон теренот за време на целиот натпревар, воопшто не примети дека Бонучи е играч и помисли дека дека е навивач кој има намера да упадне на теренот, пропуст кој би одел на душа токму на стјуардите.
Девојката го грабна за рака и проба да му покаже дека местото му е на трибината и дека покрај неа не може да се протне за да влезе на терен.
Зачудениот Бонучи потоа прсна во смеа и на девојката ѝ подари прегратка откако и неа ѝ стана јасно каква грешка направила. Бонучи потоа се врати на терен за да прослави и со соиграчите.
