Посетителите во Општата болница во Нортхемптон, Англија секојдневно крадат од антисептичките гелови поставени за општа употреба. Зголемена е потребата од овој тип производи поради ширењето на корона вирусот Covid-19, па населението го фаќа страв и паника.
Посетителите крадат цели пакувања поставени покрај болничките кревети и ги откорнуваат држачите со садови со средства за дезинфекција поставени во ходниците. Некои посетители си носеле садови од дома кои ги полнеле со гел од фиксните држачи.
Болничката управа вели дека гелот го снемува секој ден и дека морало да ја ограничат дневната испорака по одделенијата.
„Вакво нешто досега не се случило“, изјави портпаролот на болницата за BBC.
Националната здравствена служба соопшти дека клучна навика за превенција од ширењето на корона вирусот е честото и темелно миење на рацете, а средствата за дезинфекција, како антибектериски гелови, да се користат кога нема на располагање вода и сапун.
