Марк и Кристина Ротондо безуспешно се обидуваа да го натераат својот 30-годишен син да се отсели од нивниот дом, се додека случајот не дојде до Врховниот суд на САД.
Судијата Доналд Гринвуд застана на страната на родителите и одлучи во нивна корист, што значи дека Мајкл Ротондо ќе мора да го напушти домот на своите родители.
Приказната стана актуелна откако ја објави порталот „Syravuse.com“.
Во текстот на овој портал се објавени писмата кои родителите му ги праќале на својот син од 14 февруари оваа година, давајќи му рок од 14 дена да се отсели од куќата.
Тие во писмата пишуваа дека ќе му понудат 1.100 долари парична помош за да си пронајде сместување, му даваа бројни родителски совети и му предложија да ги продаде своите работи за да собере повеќе пари за почеток на самостоен живот.
Во однос на тоа дека Мајк ги игнорираше, родителите одлучија да се пожалат на суд.
На сослушувањето, Мајкл 30 минути се расправаше со судијата, инсистирајќи на тоа дека според законот родителите мораат да го предупредат најмалку шест месеци пред да му наредат да се отсели.
Судијата рече дека тоа не е вистина и ги повика работниците за социјалната служба за заштита на возрасни лица да го истражат случајот.
Мајкл, кој се врати дома пред осум години, откако ја загубил работата, за новинарите изјави дека планира да поднесе жалба.
Тој додаде дека не разговара со своите родители, но дека се уште не е подготвен да се отсели.
Неговите родители пренесуваат дека тој на никој начин не придонесува за домашниот буџет, ниту пак помага при вршење на домаќинските работи.