Судска медицина: Доколку Денис Тот немал повреда на ‘рбетниот мозок, би имал поголеми шанси да преживее

Со сведочење на вештите лица Александар Станков и Рената Јанкова од Судска медицина при Медицинскиот факултет во Скопје, денес продолжи изведувањето на доказите на обвинението за убиството на хрватскиот ракометар Денис Тот, кој беше претепан до смрт пред ноќен клуб во Градскиот парк во Скопје.

Вештото лице Александар Станков изјави дека повредите кои ги здобил сега покојниот се класифицирани како тешка телесна повреда со опасност по живот и тие се поврзани со смртниот исход.

-Доколку ја немал повредата на ‘рбетниот мозок и ги имал другите повреди, би имал многу поголеми шанси да преживее, отколку кога би ја имал повредата на ‘рбетниот мозок, објасни Станков.

Тој објасни дека сите повреди кај Тот се здобиени преку удари.

-Повредите со кои се здобил Тот се повреди кои се настанати под тапа сила, крвни подливи во пределот на лицето, со скршување на десната страна од носната коска, крвни подливи на меката поглавина, нагмечување на големиот мозок, нагмечување на вратниот дел од ‘рбетниот мост односно високо во близина на продолжението мозок , додаде Станков.

Ударот во главата во тврда површина, бил клучниот момент. Тој се случил кога Тот бил со бокс удрен од страна на обвинетиот Ѓорѓиевски.

– Како причина за смртта наведено е дека смртта настанала заради нагмечување на големиот мозок и нагмечување на ‘рбетниот мозок, меѓутоа критична повреда за настапување на смрт, врз основа на целокупната клиничка слика кај сега починатиот, е повредата на почетен дел од ‘рбетниотт мозок, појасни тој.

Прашан дали постои причинско-последична врска помеѓу повредите кои ги здобил ракометарот и смртта, тој даде потврден одговор.

Вештото лице Рената Јанкова рече дека некои повреди може да се квалификуваат изолирано, па потоа да се зборува за севкупно дејство на повредите.

– Меѓутоа, ако ги разгледуваме поединечно, на пример една од повредите, да ја земеме повредата која што довела до неконкретна скршеница на носната коска, може да биде телесна повреда, меѓутоа, ако истата таа повреда довела до потрес на мозокот во тешка форма, тогаш е тешка телесна повреда, рече таа.

Јанкова дополни дека заради севкупната слика од здобиените повреди не може да ги разгледуваат како посебна повреда секоја за себе, меѓутоа, како што рече, со севкупното дејство се квалификуваат како тешка телесна повреда со конкретна опасност по живот.

Јанкова, исто така, одговори дека постои поврзаност помеѓу здобивањето на повредите и смртниот исход.

Вештите лица беа вкрстено испрашани и од одбраната на обвинетите во однос на подробни прашања во врска со наводите од извештаите за вештачење и обдукција.

Обвинетиот Анџело Ѓоргиевски праша дали е утврдено кој удар довел до ротација на главата и повреда на ‘рбетниот мозок.

– Не можеме да го конкретизираме тоа. Ние можеме да знаеме само тоа што ќе го видиме и да ги знаеме механизмите, тоа е во доменот на нашата струка, одговори вештото лице Јанкова, дополнувајќи дека ако можело да се утврди, вештите лица би се произнеле по тоа.

Одбраната во своите воведни зборови рече дека не смета оти правната квалификација за кривичното дело „убиство“, кое им се става на товар на обвинетите за смртта на хрватскиот ракометар, е одржлива и дека ќе докажува оти не постои умисла за истото.

Обвинителството, пак, на првото рочиште истакна дека располага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

– По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска-Јосифовиќ, а застапник на обвинението е обвинителката Тања Трајчевска.

Тагови
реклама

Волстрит се тресе, инвеститорите стравуваат

Read more

Дали секое Светско досега било наместено?

Read more

Необичен знак за недостаток на витамин Б12

Read more

Кои зачини помагаат за побрзо варење и здрави црева?

Read more

Хроника

Приведени две лица од Делчево за „перење пари“

Read more

Уапсен велешанец поради напад на поранешна вонбрачна партнерка

Read more

Поведена постапка за сообраќајна несреќа со смртни последици во Скопје

Read more

Вооружен напад во Топанско Поле, запалени банкомати

Read more
 

Вести

Бразил ризикува да ја загуби контролата над Амазон во корист на шверцерите со дрога

Читај повеќе

Канада ќе ги заостри правилата за странски инвестиции

Читај повеќе

Шолц: Правиме сè што можеме за да спречиме директна војна меѓу Русија и НАТО

Читај повеќе
  • play_arrow

Укинувањето на моралната полиција: Вистинска промена или ПР потег на режимот против Иранките?

Читај повеќе

Која е Дина Болуарте – првата жена претседател на Перу?

Читај повеќе

Европа зимава ќе има греење, но што ќе биде потоа?

Читај повеќе

Волстрит се тресе, инвеститорите стравуваат

Читај повеќе

Охрид не смее да биде синоним за скапо сместување, студени соби и бајат појадок

Читај повеќе

Продолжуваат протестите на приватните автобуски превозници

Читај повеќе