Светскиот шампион во бокс во тешка категорија, Олександар Усик, се врати во Украина откако претходно беше на патување во Лондон, во моментите кога Русија ја нападна Украина.
Усик можеше да остане на безбедно, далеку од воената зона, но одлучи да се врати дома.
„Мила Украино и мили Украинци, некои пишуваат дека сум избегал. Не е вистина. Бев на деловно патување и сега се вратив, дома сум. Пријатели, треба да се обединиме и заедно да го пребродиме ова. Соочени сме со големи тешкотии. Преплавен сум од емоции и многу загрижен за својата земја и народот. Да ја запреме оваа војна, сите заедно“, вели Усик.
Тој стана светски шампион откако во септември минатата година го победи Британецот Ентони Џошуа. Токму поради реваншот замина за Лондон, за да се финализираат договорите за борбата што треба да се одржи во мај.
Олександар е еден од бројните украински спортисти кои останаа да се борат за татковината.