Денеска во 0:30 часот во Полициската станица Гевгелија било пријавено дека на автопатот од клучка Гевгелија кон Граничниот премин Богородица се случила сообраќајна несреќа помеѓу товарно возило MAN со велешки регистарски ознаки, управувано од 35-годишниот Б.Ј. од село Селемли, Општина Богданци и товарно возило Iveco со гевгелиски регистарски ознаки, управувано од 26-годишниот С.А. од село Стојаково, Општина Богданци, извести МВР.
Во несреќата со тешки телесни повреди се здобил Б.Ј., кој на пат кон Комплекс клиники „Мајка Тереза“ им подлегнал на повредите, а лекар констатирал смрт, соопшти МВР.
С.А. се здобил со телесни повреди, констатирани во Општата болница Гевгелија. Извршен бил увид од увидна екипа од ОВР Гевгелија.
