Скопје, 9 август 2020 (МИА) – Р.Ш.(70) од Скопје синоќа е тешко повреден во сообраќајка што се случила на булеварот „Александар Македонски“.
Според МВР, случајот е пријавен вчера во 20:00 часот.
Незгодата се случила меѓу патничко моторно возило „ауди А7 “ со скопски регистарски ознаки управувано од Д.И.(24) од Скопје, патничко моторно возило со непознати регистарски ознаки управувано од засега непознато лице кое избегало, и велосипед управуван од Р.Ш.
Р.Ш. бил пренесен во комплексот клиники „Мајка Тереза“ каде му се констатирани повредите.
Извршен е и увид на местото на настанот од увидна екипа од СВР – Скопје.
