Не чекавме долго електричните автомобили целосно да имаат предност пред моделите на бензин и дизел. Така, во септември годинава во Европа се регистрирани 24.591 примероци од Tesla Model 3, а овој успех го следат и електричните модели на други марки.
Ова е прв пат во историјата електричен автомобил да биде најпродаван во Европа, но во исто време е и прв пат да биде автомобил произведен надвор од Европската Унија.
Tesla продаде 6.327 Model 3 единици повеќе од Renault Clio, кој беше втор најпродаван автомобил во Европа во текот на септември. Исто така, благодарение на интензивната продажна кампања на Tesla, Model 3 скокна од 17-тата позиција во месечната продажба на автомобили во август на 1. место во септември, каде што со 7.827 продадени единици единици стигна на дури 24.591. Model 3, исто така, забележа пораст од 58% во однос на продажбата во септември 2020 година.
Рангирањето на десетте најпродавани автомобили во Европа во септември годинава изгледа вака:
- Tesla Model 3
- Renault Clio
- Dacia Sandero
- Volkswagen Golf
- Fiat 500
- Vauxhall Corsa
- Peugeot 2008
- Hyundai Tucson
- Peugeot 208
- Renault Captur
Интересно е што овој раст на продажбата на електрични автомобили доаѓа и покрај недостатокот на микрочипови и воопшто испораката на нови автомобили.
Стимулациите за електрични возила преку владини грантови и субвенции, но и неодамна објавената стратегија Net Zero имаа позитивно влијание врз растечката популарност на електричните автомобили. Одлична вест особено за Tesla е нарачката од дури 100.000 автомобили направени од Hertz, компанија за изнајмување автомобили која се надева дека ќе ја електрифицира својата флота во Северна Америка.
Растечката продажба на електрични автомобили, заедно со владините напори, како што се забраната за продажба на нови мотори со внатрешно согорување од 2030 година и обидите на производителите да го декарбонизираат нивниот синџир на снабдување, укажуваат на постојана промена во фокусот на намалување на емисиите на стакленички гасови и целта транспортната индустрија да стане еколошки поприфатлива.
