Денеска се одржа гласањето на прволигашките клубови кои решаваа како да се заврши прекинатата сезона, со или без прогласување на шампион.
Согласно двата поставени предлози од страна на Федерацијатам клубовитре бираа помеѓу:
- Согласно моменталната табела по 17. одиграни кола, да се прогласи КК МЗТ Скопје Аеродром АД за шампион за сезона 2019/20, со испаѓање на двата последни клуба од Првата лига
- Да не се прогласи шампион за сезона 2019/20, со тоа што нема да има испаѓање од Првата лига.
На состанокот, по електронски пат беше реализирано и гласањето од страна на клубовите учесници во нашето најквалитетно кошаркарско натпреварување.
Четири клубови, Работнички, Гостивар, Вардар и Куманово се произнесоа да не се прогласи шампион за сезоната 2019/20, со тоа што нема да има ниту испаѓање од Првата лига.
Три клуба и тоа лидерот МЗТ, неговиот втор клуб МЗТ 2, како и ФМП Академија се изјаснија за предлогот првопласираниот МЗТ да се прогласи за шампион за сезоната 2019/20, а да испаднат двата последнопласирани, односно МЗТ 2 и Вардар.
Воздржани во гласањето беа три клубови и тоа Еуро Никел, Кожув и Пелистер.
„Согласно со тоа, резултатот на ова гласање раководството на КФСМ ќе го формулира како дефинитивен предлог и ќе го стави пред членовите на Управниот Одбор на КФСМ кој треба да ја донесе конечната одлука за заклучување на натпреварувањето во Првата лига-мажи за сезоната 2019/2020“, велат од Федерацијата.
