Претстојниот шпионски трилер „Argylle“, со Хенри Кавил и Дуа Липа во главните улоги, штотуку доби тизер трејлер.
Филмот во режија на Метју Вон е актерското деби на британската пејачка.
Приказната во „Argylle“ следи вешт шпион кој боледува од амнезија и наведен е да верува дека всушност е успешен писател чија специјалност се шпионските романи.
Сценариото на Џејсон Фукс е засновано на истоимената книга на Ели Конвеј.
Покрај Кавила и Липа, во „Argylle“ ќе играат и Брајс Далас Хауард, Сем Роквел, Брајан Кренстон, Кетрин О'Хара, Аријана Дебоз, Роб Дилејни, Џон Сина и Семјуел Л. Џексон.
Тизерот нуди краток увид во сцена од филмот во кој Кавил и Липа танцуваат во ресторан или бар.
Кавил е најпознат по улогите во филмовите „Man of Steel“, „Batman v Superman: Dawn of Justice“ и „Justice League“, во кои го играше ликот на легендарниот суперхерој Супермен.
Неодамна глумеше во серијата „Enola Holmes“ на Netflix како Шерлок Холмс, и во хит серијата на Netflix, „The Witcher“.
Липа е меѓународна поп-ѕвезда, а неодамна беше во центарот на вниманието поради обвинувањата за плагијат на еден од нејзините најголеми хитови - песната „Levitating“.