Венеција, 1 март 2020 (МИА) – Холивудскиот актер Том Круз и екипата на филмот „Mission: Impossible“, што се снима во Венеција, се сместени во карантин поради корона вирусот што се шири низ Италија.
Веста ја пренесе весникот „Jerusalem Post“ , повикувајќи се на британскиот актер Сајмон Пејџ.
Тој наведува дека Том Круз допатувал во Италија на 20 февруари заради снимање на седмото продолжение од филмот „Mission: Impossible“.
Поради епидемијата од корона вирус што се шири низ Италија, целата филмска екипа е ставена во изолација во раскошниот хотел „Gritti Palace“, пренесе„ Jerusaeim Post“.
Оттаму се истакнува дека никој од филмската екипа не е заразен од корона вирус, а во карантин ќе се наоѓаат до утре, 2 март.
Претходно, медиумите пренесоа дека снимањето на холивудскиот блок-бастер е стопирано поради ширењето на Covid-19.