Подготвивте убав ручек, но целиот дом ви мириса непријатно благодарение на процесот на готвење. Има лек и за тоа. Еве 5 совети како да се елиминира овој мирис.
1. Веднаш исчистете ја и измијте ја кујната. Кога ќе завршите со подготовката на храната, измијте ги садовите што сте ги користеле, како и работната површина и шпоретот.
2. Затворете ги вратите на другите простории додека подготвувате храна. Ткаенината веднаш ги впива маснотиите и мирисите, па најдобро е да ги затворите вратите од спалната, ходникот и дневната соба додека подготвувате специјалитети. На овој начин ќе спречите мебелот или облеката да апсорбира мириси.
3. Вклучете го аспираторот, доколку имате, или одржувајте го протокот на воздух во кујната. Најдобар начин да се спречи задржување на мирисот е постојано да циркулира воздух низ вашата кујна. Не заборавајте почесто да ги менувате филтрите на аспираторот, а додека готвите можете да го држите прозорецот отворен.
4. Варете ги омилените зачини. Ставете стапче цимет, каранфилче или кора од цитрус во сад со вода и оставете да се крчка на тивок оган. Овие пријатни мириси ќе ги неутрализираат преостанатите мириси на храна.
5. Оставете преку ноќ сад со оцет, сода бикарбона или мелено кафе. За да ги неутрализирате мирисите на храната што сте ја подготвиле, на работната површина ставете сад со оцет, сода бикарбона или мелено кафе и оставете го преку ноќ. До утрото непријатните мириси ќе исчезнат.