Фудбал

Трагедија во Романија, фудбалер колабираше на терен и почина

7. мај 2016 - 9:57 | Макфакс

Трагична вест во петокот ја потресе спортска Романија, откако 26-годишниот фудбалер на Динамо Букурешт, Патрик Екенг, починал за време на натпреварот со Виторул. Несреќниот фудбалер доживеал инфаркт за време во текот на мечот, бил префрлен во болница, каде починал.

Романските медиуми известија дека Екенг влегол во игра во 63.минута, како трета замена во тимот на Динамо, а колабирал на теренот седум минути подоцна. Судијата веднаш го прекинал натпреварот, лекарската екипа интервенирала, фудбалерот бил префрлен во болница, каде му била вршена реанимација, но тој починал по еден час.

Романскиот весник Спорт, тврди дека реакцијата на лекарскиот тим била премногу бавна за таков случај. Спорт пишува дека на лекарската екипа и требало две минути да стигне до теренот.

Патрик Екенг е роден на 26.октомври 1990 година во Јаоунде, каде ги направил првите фудбалски чекори. Во родниот град, во 2008 година ја започнал и професионалната кариера. Во 2009 година се сели во фрнацуски Ле Ман, а потоа настапува и во Швајцарија, во Лозана.

Екенг, во 2014 година се сели во Кордоба чии член е се до минатата зима кога потпишал договор со Динамо Букурешт. За репрезентацијата на Камерун одиграл два натпревари.

Loading the player...

 

Коментирај