Доналд Трамп вчера ја напушти болницата „Волтер Рид“ каде што беше хоспитализиран по заразувањето со коронавирус и се врати во Белата куќа.
Тој претходно на Twitter објави дека се чувствува одлично и им порача на Американците да не се плашат од COVID.
Трамп ќе продолжи со лекување во Белата куќа и најверојатно со предизборната кампања, пишува CNBC.
Американските медиуми пренесуваат дека Трамп ја напуштил болницата со заштитна маска на лицето, но по пристигнувањето во Белата куќа Трамп ја извади заштитната маска при што се соочи со бројни критики од јавноста.
