Богатите поддржувачи на поранешниот американски претседател Доналд Трамп можат да закажат вечера со него за суми кои достигнуваат и до 250.000 долари, а собраните пари ќе бидат вложени во неговата кандидатура за претседателските избори, пишува Guardian.
Акцијата за собирање пари, наречена „Форум на кандидати за враќање на Конгресот“, е закажана за 23 февруари на имотот на Трамп во Палм Бич, Флорида, пишува британскиот весник.
Организацијата која собира пари за неговата кандидатура испрати покани до сите потенцијално заинтересирани луѓе.
„Иако на настанот ќе присуствуваат републикански кандидати за Конгресот, собраните пари ќе бидат искористени исклучиво за кандидатурата на Трамп“, пишува Guardian.
За 250.000 долари (125.000 по лице), двојките можат да закажат приватна вечера со Трамп, да се фотографираат со него и да останат на две ноќевања на неговиот имот на Флорида.
За 100.000 долари тие добиваат фотосесија со Трамп, но ќе вечераат со поддржани кандидати за Конгресот, а не со поранешниот претседател.
За 50.000 долари гостите ќе добијат вечера и фотографија со поддржани кандидати, а за 5.000 долари се добива само присуство на вечера, пренесе Guardian.