Поранешниот американски претседател Доналд Трамп присуствуваше на конвенција на републиканците во сојузната држава Северна Каролина, но поради еден детаљ што го имаше на себе стана хит на Twitter.
Видео снимка објавена на Twitter стана хит со над 9.5 милиони прегледи, а во неа има чуден детаљ според кој авторот на снимката тврди дека панталоните на Трамп му се облечени наопаку.
Освен што се згужвани изгледа дека недостига и шлицот на предната страна, па многумина претпоставуваат дека ги носи погрешно.
Судејќи по реакциите на Twitter, многумина мислат дека Трамп погрешно ги облекол панталоните, па веќе се најде како главна инспирација за смешни мемиња.