Сè поголем број вработени млади луѓе од Европската Унија продолжуваат да живеат со своите родители, покажува новото истражување објавено од британски Guardian.
![](/sites/default/files/styles/article_image_xxl/public/2023-02/kgn-img-447965.jpg?itok=JLDrYXQY)
Според британскиот весник, имале увид во официјалната анкета на Европската Унија, во која е забележан процент од 27 отсто вработени млади кои живеат со своите родители, што е скок од претходното истражување кое покажало дека процентот е 24%.
Истражувањето опфатило луѓе на возраст од 25 до 34 години и временскиот период од 2017 до 2022 година.
Најголем скок е забележан во Ирска, од 27 на 40 отсто. Вреди да се истакне дека во оваа земја цената на закупнината во истиот период е двојно зголемена.
Земјите кои забележаа пораст меѓу 2017 и 2022 година ја вклучуваат Португалија, каде оваа бројка се зголеми од 41 на 52 отсто, и Шпанија, каде што се зголеми од 35 на 42 отсто.
Во Франција процентот се зголемил од 10 на 12 отсто, додека во Италија е забележан пораст од 41 на 48 отсто, а во Хрватска од 58 на 65 отсто.