Познато е дека кучињата се најдобри пријатели на човекот, но дури и тие можат да станат агресивни доколку сопственикот не се однесува соодветно со нив.
Најчесто, кучињата не касаат без причина, а можат да ве каснат од потреба да ги заштитат своите кученца, сопственици или самите себе, тоа е нивниот начин да ги бранат оние што ги сакаат. Кучињата можат да нападнат други кучиња или луѓе доколку сопственикот не се однесувал добро со нив и тие се трауматизирани или малтретирани. Дури и во такви околности, некои раси се однесуваат поагресивно од другите, а според World Dog Finder, овие три раси се меѓу нив.
Канарското куче е многу силна, масивна и интелигентна раса на која ѝ треба рана социјализација и обука. Тие не се најдобри за неискусните сопственици бидејќи имаат силен ловечки инстинкт, а доколку сопственикот не им обезбеди доволно активност, можат да станат деструктивни.
Ротвајлерот е исклучително силно куче, со широки гради, силен, исправен грб и силни нозе. Многу се лојални и приврзани и секогаш се подготвени да го одбранат својот сопственик, семејство и дом. Имаат развиен борбен и заштитнички инстинкт поради кој штом почувствуваат опасност тргнуваат во акција. Никогаш не лаат без причина и имаат потреба од слобода. Тие можат да бидат многу дисциплинирани ако нивниот сопственик има доволно авторитет.
Питбулот е најупотребуваната раса за борби со кучиња ширум светот, а исто така е прогласена и за најопасното куче во САД. Исклучително се силни и имаат неверојатно силен гриз, па не е ни чудо што многу луѓе се плашат од нив.
Овие кучиња порано го носеа прекарот дадилки, но по сите негативни асоцијации со нив, многу луѓе ги доживуваат сосема поинаку. Можат да бидат опасни и агресивни, но со соодветна обука и рана социјализација можат да станат феноменални домашни миленичиња.
