Доаѓа сезоната на зимските празници, што значи дека многумина од вас ќе отпатуваат некаде ан зимување или на прошетка. За тоа време собните растенија остануваат во нашите домови без можност некој да се грижи за нив.
За среќа, тиктокерката Џастин, која го држи профилот Self Care Plants, сподели генијално решение како тие да бидат згрижени додека сме на заслужен одмор. Најдобро од сè, нема да морате да барате никого за помош. Сè што ви треба е тенџере со вода и врвка, и секако, да ги следите кратките упатства во видеото.
Во видеото таа покажа како полни тенџере со вода и кине по едно парче памучна врвка за секое растение. Потоа, едниот крај од врвката ставете го во садот со вода кој мора да биде на повисоко од растенијата, додека другиот крај на конецот закопајте го длабоко во земјата. Повторете го процесот за секое растение така што ќе ги ставите околу сад со вода и на секое ќе му доделите своја врвка.
Овој начин им овозможува на растенијата да „пијат вода низ сламка“ преку врвката, бидејќи тие преку неа всушност ја „цицаат“ водата.
@selfcareplants Self-watering hack while on vacation! #wickmethod #planttiktok #plantsoftiktok #planttok #indoorplants #selfwatering #fyp #xyzbca ♬ Summer - Instrumental - Devinney
