Стеф Кари според многумина е најдобриот шутер за три поени во историјата на НБА лигата, а сега постигна 13 тројки на натпреварот против Њу Орлеанс, што преставува нов рекорд во лигата.
Против ЛА Лејкерс, пред два дена, Кари не постигна ниту една тројка, со што ја прекина низата од 157 натпревари на кои погодил најмалку еден шут за три поени. Лошото издание против Лејкерси, Кари во целост го надомести со неверојатната партија против Њу Орлеанс и поебдата на Голден Стејт 116-106.
Кари постигна 46 поени, на кои додаде по пет скока и асистенции, и погоди 13 од 17-те обиди за три поени.
„Шефот Кари“, претходно го делеше првото место на вечната листа заедно со Коби Брајант и Донијел Маршал.
Против Њу Орлеанс по неколку лоши изданија добро одигра и Клеј Томпсон, кој постигна 24 поени, а Кевин Дурент уфрли два коша помалку.
Ентони Дејвис со 33 поени и 13 скокови го предводеше Њу Орлеанс кој сезонава се уште нема победа.
Резултати: Шарлот-Индијана 122:100, Филаделфија-Јута 84:109, Вашингтон-Хјустон 106:114, Чикаго-Орландо 112:80, Оклахома-Мајами 97:85, ЛА Клиперс-Детроит 114:92.
