Бремена жена го спаси својот сопруг од напад на ајкула во Флорида Киз, несебично скокнувајќи во морето кога видела дека е нападнат.
Според полицискиот извештај, Ендру Чарлс Еди (30) тргнал на нуркање кај гребенот Сомбреро и само што влегол во водата го нападнала ајкулата и го гризнала, објави BBC. Неговата сопруга Марго Дјук Еди ги видела перките на ајкулата и крв во водата и веднаш без колебање скокнала во водата и нурнала длабоко.
Откако го извлекла сопругот на сигурно, останатите членови на семејството викнале Брза помош и Ендру бил префрлен со хеликоптер во болница во Мајами поради тешките повреди на рамото.
Тој бил во критична состојба кога Брзата помош стигнала до него.
Ендру и Марго се од Џорџија и биле на летување со семејството во Флорида. Сите биле на прошетка со приватен брод кога се случил инцидентот. Во извештајот стои дека Марго е бремена, но не и во кој месец од бременоста е.
Подоцна истиот ден биле регистрирани пријави дека била видена ајкула долга од 2 до 3 метри во истиот реон.
Флорида има најголем број на случаи на напади на ајкула во светот – само лани биле пријавени 21 случај.