Жените кои често повраќаат и имаат гадење за време на бременоста, наводно раѓаат поинтелигентни деца, покажа ново истражување.
Канадски научници открија дека мајките кои страдаат од тешки утрински мачнини за време на бременоста имаат тенденција да имаат деца со висок коефициент на интелигенција, пренесува Practical Parenting.
Револуционерното истражување опфатило 121 дете на возраст од три до седум години чии мајки страдале од тешки утрински мачнини за време на бременоста. Експертите биле изненадени од она што го откриле. Децата чии мајки имале почести и поинтензивни мачнини за време на бременоста покажале многу подобри резултати на тестовите за интелигенција, меморија и јазични вештини.
Гадење во просек погодува до 80 проценти од трудниците. И додека кај повеќето жени овие непријатни симптоми поминуваат по првите 12 недели, кај некои може да траат до третото тримесечје, па дури и до крајот на бременоста. Истражувачите веруваат дека хормоните за бременост поврзани со утринската мачнина имаат позитивни ефекти врз развојот на мозокот на фетусот.
„Овие наоди сугерираат дека гадење и повраќање во бременоста не се целосно штетни и всушност може позитивно да го подобрат долгорочниот ментален развој на децата“, изјави водачот на студијата Ирена Нулман за Reuters Health.