Чек дис аут

Туристичка атракција: Црвената Река во Перу

11. ноември 2019 - 14:42 | Кајгана/МИА

Лима, 11 ноември 2019 (МИА) – Во Перу, близу градот Куско се наоѓа реката Пукамају, позната како Црвената Река. Таа може да се види само во дождливи периоди, кога насобраната вода го полни речното корито.

Долината содржи големо количество железен оксид (’рѓа), па оттаму водата во реката добива црвена или розова боја, во зависност од текот и количината железо во самата вода.

Но, познавачите препорачуваат дека доколку  сакате да го посетите Перу во овие периоди кога може да се види Црвената Река, треба да бидете подготвени на лизгачките патчиња, обилните дождови и на тоа дека многу други знаменитости нема да бидат достапни за туристите поради тие временски услови.

„Сезонска река“ е долга околу пет километри, по што се влива во поголемата река Вилкамајо, каде и ја губи својата необична црвена боја.

Коментирај