Претседателот на Европскиот совет (ЕС), Доналд Туск, денес ќе престојува во неколкучасовна посета на Македонија. Туск ќе оствари средба со претседателот на Макеоднија, Ѓорге Иванов.
Политичката криза во Македонија и мигрантската криза во Европа ќе бидат темите на кои претседателот на ЕС, ќе разговара со шефот на државата Иванов.
Според информацијата од кабинетот на претседателот, Туск и Иванов ќе имаат получасовна тет-а-тет средба, а потоа уште 30 минути ќе има дискусија помеѓу двете делегации.
Туск во Скопје ќе се сретне само со претседателот Иванов, а нема да има средба со лидерите на политичките партии.
По работниот ручек во вилата „Водно“, Туск ќе отпатува за Софија.
Доналд Туск трет пат во последните две години доаѓа во официјална посета на Скопје, а по повод посетата од граѓанската инцијатива „За зедничка Македонија“ најавија масовен протест.
