Холанѓанец ќе ја дели правдата на неделното финале помеѓу репрезентациите на Италија и Англија, одлучи европската куќа на фудбалот.
Бјерн Бујперс е судијата кој ја доби честа да го суди финалето на 16-тото Европско првенство, кое е закажано за в недела од 21 часот (20 по локално време) на величествениот „Вембли“ во Лондон.
На Кујперс ќе му помагаат неговите сонародници Сандер ван Рукел и Ервин Зејнстра, а четврти судија ќе биде Шпанецот Карлос дел Серо Гранде. Резервен судија е Хуан Карлос Јусте Хименес од Шпанија.
Во ВАР собата во Лозана ќе бидат стационирани Германецот Бастиан Данкерт како прв ВАР судија, а негови помошници ќе бидат триото Пол ван Букел (Холандија), Кристиан Гителман и Марко Фриц (двајцата Германија).
За Кујперс ова ќе биде прво финале помеѓу репрезентации. Го судеше финалето од Лигата на шампионите во 2014 и двапати во Лига Европа (2013 и 2018).
На ова ЕУРО отсуде три натпревари од кои две во групната фаза (Белгија - Данска 2:1 и Шпанија - Словачка 5:0), како и четвртфиналниот дуел Данска - Чешка 2:1.
Син на поранешен судија на амтерско ниво, Кујперс по професија е бизнисмен и поседува ланец на супермаркети во Халандија, како и фризерница во својот роден град Олдензал. Судија е од 2002 година, а со знакот на ФИФА е од 2006. Претходно судеше и на ЕУРО 2012 и 2016, Мундијалите 2014 и 2018, како и Купот на конфедерациите во 2013.
