Наредната недела нема да се играат натпреварите Мначестер Сити - Реал Мадрид и Јувентус - Лион поради новонастанатата ситуација со клубовите од Шпанија и Италија.
Откако корона вирусот прво направи натпревари да се играат без публика во Лигата на шампионите, сега ситуацијата до толку се искомплицира што два осминафинални реванши се одложени.
Бидејќи карантин е прогласен во Реал Мадрид и во Јувентус, УЕФА донесе одлука нивните натпревари закажани за 17 март да се одложат. Накнадно ќе биде одлучено кога би се одиграле овие натпревари.
Реал Мадрид е во карантин откако еден играч од кошаркарскиот тим е заразен со корона вирусот, додека идентична е ситуацијата и кај Јувентус каде, пак, фудбалерот Даниеле Ругани е позитивен на Covid-19.
Тоа значи дека во вторник ќе нема Лига на шампиони бидејќи двата натпревара требаше да се одиграат токму тој ден. Во моментов нема промени во однос на натпреварите закажани за в среда, 18 март кога треба да се сретнат Баерн - Челси и Барселона - Наполи.
