Во текот на ноќта Украинците со беспилотни летала го нападнаа воениот аеродром „Морозовск“ во руската област Ростовска. Очевидци забележале бројни дронови на небото и изброиле повеќе од 60 експлозии, пренесува Українська правда. По нападот голем број области останаа без електрична енергија.
Василиј Голубев, гувернерот на Ростовската Област, потврди дека се случил „напад од големи размери“ во областа Морозовск. Тој објави дека руските противвоздушни сили уништиле повеќе од 40 цели. Тој потврди дека во нападот е оштетена трафостаницата и дека се санира штетата.
Воениот аеродром се наоѓа на 3 километри југозападно од градот Морозовск. На аеродромот се стационирани борбени авиони Су-24, Су-24М и Су-34. Уште во декември Украинците се обидоа со беспилотни летала да го нападнат тој аеродром, каде што се стационирани авиони кои оперираат на бојното поле во Украина.
На социјалните мрежи се појавија серија видеа на кои се гледаат руските обиди да соборат украински беспилотни летала. И покрај ова, се чини дека најмалку две беспилотни летала погодиле некои од целите на земјата, проследени со експлозии.
