Вакцината против коронавирусот се очекува во Германија да биде достапна пред првиот квартал од следната година, се наведува во националната стратегија за вакцинирање.
Во овој стратешки документ на Министерството за здравство, изготвен на 15 страници, во кој увид имале британските медиуми, се наведува дека седумте потенцијални вакцини, чие тестирање треба да се заврши оваа или следната година, во Германија можат да бидат достапни во доволно количество за почеток на националната кампања за приоритетните групи.
Станува збор за вакцините на AstraZeneca, BioNTech, Novavax, Johnson & Johnson, GlaxoSmithKline и CureVac.
Германија планира да воспостави централизирани секции за вакцинирање и најпрвин да ги вакцинира приоритетните групи.
