Фудбалскиот клуб Вардар денеска го објави спотот за песната „Гордоста на градот“ која е создадена од членови на неколку музички бендови кои со ова дело ја искажаа својата поврзаност кон „Црвено-црните“.
„Ви го претставуваме спотот за песната 'Гордоста на градот' кој од денес ќе може да се погледне на официјалниот YouTube канал на клубот.
Песната е создадена со заеднички ангажман на членови на неколку музички бендови, кои на сопствен-оригинален начин, ја искажаа својата приврзаност кон Вардар и црвено-црните бои.
Во името на клубот се заблагодаруваме на сите кои учествуваа во креирањето на песната и спотот.
Се надеваме дека ќе уживате!
И не заборавајте…во недела се гледаме на Градски!“, порача клубот. А, токму в недела Вардар го игра Дербито на Скопје против вечниот ривал Работнички, но како гостин.
