Со убедливи 3:0 Вардар славеше на гостувањето кај Академија Пандев и покажа зошто е лидер на табелата и најсериозен кандидат за титулата.
Академија Пандев се надеваше дека со победа ќе ја намали разликата во однос на лидерот Вардар, но се случи спротивното. Вардарци со двата гола на Аврамовски и едниот на Брдаровски прокнижија нови три бода и ѝ избегаа на Академија Пандев на плус 8 бода. Со овие два гола Аврамовски сега е сам на врвот на листата на стрелци со 9 гола.
Шкендија со 4 гола запиша убедлива победа над својот поранеше тренер Ѓатип Османи кој во Тетово допатува со тимот на Шкупи. Шкендија е сега на делба на второто место со Академија Пандев.
Борец продолжи да бележи добри резултати кога станува збор за домашните натпревари. Во Велес падна Ренова благодарение на голот ан Хрватот Прелчец кој е втор најдобра стрелец во лигата во 8 голови.
Работнички водеше против Силекс, но не успеа да го задржи водството испуштајќи шанса конечно да избега од дното.
Национална Арена „Тоше Проески“ во Скопје
Работнички - Силекс 1:1 (1:0)
Стрелци: 14' Иван Марковиќ - 61' Стефан Ѓуриќ
Судија: Јован Качевски (Струга)
Стадион „Зоран Паунов“ во Велес
Борец - Ренова 1:0 (1:0)
Стрелци: 5' Никола Прелчец
Судија: Марјан Младеновски (Скопје)
Стадион „Градски“ во Тетово
Шкендија - Шкупи 4:0 (3:0)
Стрелци: 2', 41' (пен) Бесарт Ибраими, 28', 89' Стениу Жуниор
Судија: Димитар Мечкаровски (Скопје)
Стадион „Благој Истатов“ во Струмица
Академија Пандев - Вардар 0:3 (0:1)
Стрелци: 11', 69' Даниел Аврамовски, 87' Владица Брдаровски
Судија: Александар Грујоски (Кичево)
Вчера:
Стадион „Ѓорче Петров“ во Скопје
Македонија ЃП - Струга 1:1 (1:1)
Стрелци: 7' Паду - 1' Флорент Османи
Судија: Крумислав Ѓоргиев (Штип)
Табела:
1. Вардар 35
2. Шкендија 27
3. Академија Пандев 27
4. Силекс 24
5. Македонија ЃП 23
6. Струга 23
7. Шкупи 22
8. Борец 19
9. Ренова 16
10. Работнички 15
