Велосипедот за многумина е омилено превозно средство, но исто така е омилена мета и за многу крадци. За да се спротивстават на тоа многу компании се обидуваат да произведат силни решенија за заклучување, но изгледа дека SkunkLock го имаат најдоброто решение.
Производот е дело на еден мајстор од Сан Франциско, а името SkunkLock е инспирирано од творот (skunk = твор). SkunkLock функционира на тој начин што кога крадецот ќе исече повеќе од 30 проценти од него, доаѓа до комората во која се наоѓа смрдлив гас што веднаш се распрскува и предизвикува гадење и повраќање.
Авторот на ова решение за заклучување на велосипедите, вели дека симптомите што ги предизвикува гасот се слични на пепер спреј, но дека гасот не е опасен по живот.
Засега производот е на кампања за собирање средства, а ако биде успешна, треба да се појави како финален продукт во текот на 2017 година.
