Како да не се замаглуваат стакленцата? Трикот е едноставен, а стопроцентно ефикасен. Потребна ви е состојка што веќе ја имате дома.
Ако носите очила, сигурно знаете што се случува кога од ладна средина ќе влезете во топла соба - веднаш ќе се замаглат. Уште полошо е ако носите маска. Постои трик како да се спречи оваа појава, а поедноставно не може да биде.
Истурете малку детергент за садови на мека крпа и избришете го стаклото. Оставете ги да се исушат околу 15 минути, а потоа добро избришете ги со крпа од микрофибер, за стакленцата буквално да заблескаат. Следниот пат кога ќе се најдете во иста ситуација, да одите од студено на топло, нема да ви се замаглат.
Трикот е во тоа што детергентот создава тенок слој на површината на стаклото што спречува кондензација на пареата.
Истиот трик можете да го примените на стаклата на автомобилот или дури и на огледалото во бањата. Кога ќе се истуширате и ќе се создаде пареа, огледалото нема да се замати.
Друг производ кој има ист ефект како течноста за миење садови е пената за бричење, а може да помогне и сировиот компир. Пресечете го на половина, а потоа премачкајте ја површината со исечената површина.
