Меѓународната мрежа за организација на луксузни патувања Traveller Made ја прогласи Виена за најпосакувана дестинација во 2021 година.
За титулата Most Desired Preferred Destination конкурираа Јапонија, Цирих, Нов Зеланд, Јужна Кореја и Австралија.
Traveller Made е водечка мрежа во областа на луксузни патувања и опфаќа 71 земја, 450 агенции и 3.500 таканаречени Luxury Travel Designers.
Во луксузни туристи спаѓаат поединци со имот чија нето вредност изнесува над милион долари (High Net Worth Individuals) или над 30 милиони долари (Ultra High Net Worth Individuals).
„Изборот за најпосакувана луксузна дестинација во 2021 година е голема чест и важен сигнал за целна група на луксузни туристи кои се од стратешко значење за целата дестинација“, смета Норберт Кетнер, директор на виенската туристичка заедница WienTourismus.
Заедницата е член на Traveller Made од 2019 година и има советодавна улога во погледот на дестинации, идеи и контакти.
Виена ги исполнува сите услови за луксузни патувања, како што се ексклузивност, единственост и висок квалитет на туристичките ангажмани во услови на пандемија.