Серијата „Chernobyl“ на HBO е драматизација на вистински настан – експлозијата на четвртиот реактор во атомската ценрала во Чернобил, во ноќните часови на 26 април 1986 година и случувањата непосредно потоа. Подоцна се дозна дека светот бил соочен со една од најопасните технолошки катастрафи во историјата на користењето на нуклеарната енергија во мирнодопски цели.
Без пожртвуваноста на стотици луѓе вклучени во справувањето со последиците од катастрофата, во деновите и неделите после експлозијата можело да се случи тотално растопување на елементите од нуклерното гориво на реакторот, што би довело до уште една нуклеарна експлозија.
Таквиот развој на настаните би бил погубен за голем дел од Европа.
Авторите на серијата имаат прикажано голем дел од работите баш онака како што се случиле, но во овие 12 спорни моменти според Insider се мешаат фикцијата и вистината, најчесто поради немање конкретни факти.
„Со сите сили се трудевме да ги пренесеме деталите најреалистично“, изјави авторот на серијата Крег Мејзин за The Hollywood Reporter и додаде дека сакал да покаже нешто многу поглобално и почовечно отколку добрата или лошата страна на историјата.
