Американскиот претседателски кандидат Роберт Ф. Кенеди Џуниор изјави дека не сака да му биде потпретседател на Доналд Трамп доколку победи на претседателските избори во ноември.
„Мислам дека мојот брак не би го преживеал тоа“, изјави Кенеди за списанието Variety.
„Мислам дека е во право“, додаде неговата сопруга, актерката Шерил Хајнс.
Во изминатите неколку дена американските медиуми објавија дека тимот на Трамп му пристапил на Кенеди со предлог да биде потпретседател на кандидатот за претседателска номинација на Републиканската партија.
„Тимот на Трамп рано изрази интерес за Кенеди, но рано е да се каже“, објави New York Post, цитирајќи неименуван извор.
Комуникацијата наводно била воспоставена „веднаш кога Роберт ја објавил“ својата претседателска кандидатура. Кенеди Xуниор ја најави својата кампања за претседателските избори во април 2023 година, првично како кандидат на Демократската партија.
Сепак, во октомври најави дека ќе биде независен кандидат.
