Жителот на прилепското село Дебреште кој вчера ги избоде поранешната сопруга и нејзиниот татко е во бегство.
Поранешната сопруга и задржана во болницата во Прилеп, а нејзиниот татко поради тешките повреди е пренесен на лекување во Скопје.
Четириесет и шестгодишниот прилепчанец вчера пристигнал во куќата каде што живеела неговата поранешна сопруга. Кога му кажале да си оди тој го нападнал таткото на сопругата и неколкупати го ранил со нож во грбот.
Со истото оружје подоцна ја нападнал и поранешната сопруга и ѝ нанел убодна рана во пределот на грбот.
Тој и порано им се заканувал на пет години помладата поранешна сопруга и на седумдесет и петгодишниот старец.
Јавниот обвинител кој врши увид на лице место до Полициските станици издаде Наредба за потрага по осомниченото лице, како и наредби за прибирање на траги од лице место, а со цел расветлување на настанот и утврдување на факти во предметот.