Од COVID-19 во Италија досега починаа сто лекари, соопшти здружението на лекари.
Последната жртва е 62-годишна лекарка по семејна медицина од мал град во покраината Венето.
Италија има најголем број на жртви од новиот коронавирус во светот, а медицинскиот персонал во болниците и надвор од нив страда поради недостиг на заштитна опрема како што се ракавици и заштитни маски за лице.
Досега во Италија се регистрирани 139.422 случаи на коронавирусот, 17.669 починати од последици на COVID-19 и 26.491 оздравени. Во критична состојба се 3.693 луѓе.
Досега се тестирани 807.125 лица.