Студиото „Warner Bros“ пред речиси една година објави дека работи на можно четврто продолжение на „Matrix“ со сценаристот Зек Пен, а таа информација наиде на несогласување кај обожавателите, се додека сценаристот не објави дека не станува збор за римејк, туку дека франшизата почнува од почеток.
„Моментално работам на Matrix и филмот е во одредена фаза од развојот. Тоа е франшиза чие враќање сакам очајнички да го видам. Не можам сега да откривам премногу детали, но можам да кажам дека со години ги убедував „Warner Bros“ да се обидат потполно да ја променат. Тоа е една од работите на кои сум фокусиран, но не е единствена, бидејќи работам на многу проекти“, изјави Пен.
Пен додаде дека Matrix и Oasis (виртуелниот свет во „Ready Player One“) се слични, бидејќи и двата претставуваат брилијантни идеи за вселената.
„Кога луѓето дознаа дека повторно работам на „Matrix“ помислија дека станува збор за римејк. Мојот одговор беше: „Зошто? Не сум толку луд“. „Matrix“ е еден од моите најдраги филмови и кога повторно ќе го издадеме луѓето ќе сакаат да го погледнат“, изјави тој.
Детали за филмот се уште не се познати.
