Во организација на Амбасадата на Италија во Скопје, во соработка со Концертното друштво од Соренто и Центарот за култура „Иљо Антески-Смок“ од Тетово, во сабота (23 септември) од 19:30 часот во Центарот за култура во Тетово ќе се одржи оперскиот концерт „Белканто во италијанската традиција“.
По големиот успех на настанот во Италија, дуото составено од Тамара Ангеловска – сопран (Македонија) и Паоло Шибилиа - пијано (Италија) за прв пат ќе настапи во Тетово со извонредна програма која вбројува дел од најпознатите италијански арии (Верди, Доницети и Белини), како и камерни романси од класичната традиција.
„Ќе ни биде чест да ни бидете гости на музичкото шоу кое ќе ја оживее магијата на италијанската опера“, порача Амбасадата на Италија во Скопје.
