Во средината на јуни би требало безбедно да ги пуштиме децата во градинките

Доктор Жарко Караџовски од Институтот за јавно здравје ги објасни причините зошто Комисијата се одлучи да препорача укинување или намалување на рестриктивните мерки.

Караџовски рече дека во последниве 14 дена се направени речиси 1.500 тестирања на 1 милион жители.

„Комисијата за заразни болести направи една анализа и констатиравме дека соодветно се почитуваат нашите препораки и алгоритми, при што нашите препораки дадоа одредени резултати, со цел на време да го фатиме нулта случајот. Сега одиме на едно пошироко тестирање на населението, како тестирање на вработените во градинките, при што во средината на јуни би требало безбедно да ги пуштиме нашите деца во градинките. Во наредниот период ќе ги тестираме здравствените работници, таксистите, полицијата. Ќе направиме 10.00 тестирања. Процентот на позитивните случаи е 5,7 од вкупниот број на тестирани, во последните 14 дена. Ние рековме дека кога ќе достигнеме околу 5 посто позитивни од тестирани, ќе почнеме со олабавување на мерките“, рече Караџовски.

Караџовски не очекува зголемување на бројот на заразени, иако, рече, може да има инцидентни случаи, како што беа во изминатите денови од разни свечености на кои не се почитуваа забраните за собирања, движење и за близок респираторен контакт.

„Лично не очекувам зголемен број дотаму да ние да не можеме да го држиме под контрола“, рече Караџовски додавајќи дека и кога имаше сто случаи дневно ја држеле состојбата под контрола зашто во резерва биле спремни илјада кревети и монтажна болница.

Во моментов има, рече тој, само 59 хоспитализирани на Инфективна клиника, 22 во ГОБ „8 Септември“ и дваесетина пациенти во инфективните одделенија во болниците низ државата.

Соопшти дека пет градови во кои има познати кластери на вирусот се држат под контрола и оти се познати лицата кои се во изолација и се знаат нивните непосредни контакти во изминати 15-ина дена.

-Никаде во светот не може денес да ви рече некој што ќе се случува за месец, два, три. Меѓутоа, цел свет кажува дека силината или вируленцијата на вирусот слабее. Според податоците од земјите на ЕУ, каде се намалува бројот на заболени, за неколку стотини  проценти е намалена можноста за инфекција, додаде д-р Караџовски.

На граѓаните им порача да не веруваат во лажните вести дека вирусот не постои и да ги почитуваат препораките за носење маска, држење дистанца и редовно миење на рацете.

Во случај на зголемување на бројот на заразени со вирусот повторно ќе бидат воведени рестриктивните мерки што ги укина денеска Владата, предупреди премиерот Оливер Спасовски и апелира на почитување на мерките за носење на заштитна опрема, одржување дистанца и однесување по протоколите што ги утврдува Комисијата за заразни болести.

– Денеска можеме да констатираме дека се исполнети условите да ги намалиме рестриктивните мерки коишто не ги воведовме ние како Влада ниту Комисијата за заразни болести ни ги предложи заради тоа што така сакаат или ние така сакаме, туку заради тоа што тоа го наложуваше состојбата. Ако секаде во светот имаше различни пристапи, константа во секоја од државите е заштитна опрема, одржување на растојание и рестриктивни мерки во одреден период се со цел да се пресечат патиштата на ширење на вирусот. Сега граѓаните знаат што се очекува кога има зголемен број на случаи. Тоа ќе значат повторно рестриктивни мерки, повторно сериозни проблеми кои ги имавме и досега и затоа апелираме на сите да ги почитуваме мерките кои се уште се во сила, а тоа е носење на заштитна опрема, одржување дистанца и однесување по протоколите што ги утврдува Комисијата за заразни болести, рече Спасовски, во одговор на новинарско прашање на прес-конференцијата по владината седница на која беше најавено олабавување на рестриктивните мерки за коронавирусот.

Доколку се почитуваат мерките, рече Спасовски, нема опасност дека ќе дојде до ситуација на повторно зголемување на заболени од вирусот.

реклама

Порнографски видеа и фотографии со девојки и жени од Гевгелија препраќани на социјалните мрежи

Read more

Коронавирус и имунитет – научно објаснето

Read more

Италија забрани влез од 13 земји

Read more

Од денеска скопјани ќе се возат во нови автобуси

Read more

Македонија

МОСТ ќе ги следи изборите со близу 900 набљудувачи

Read more

ССНМ: Новинарите и медиумските работници со плата далеку под просечната

Read more

Сабота и недела неработни, породилно отсуство 1 година и зголемување на минималната плата, бара ССМ

Read more

Од денеска скопјани ќе се возат во нови автобуси

Read more

Вести

Скопјанец обвинет за кражба на икони вредни 1.000 евра

Читај повеќе

Откриен шпион во кабинетот на Ангела Меркел

Читај повеќе
  • play_arrow

МОСТ ќе ги следи изборите со близу 900 набљудувачи

Читај повеќе

ССНМ: Новинарите и медиумските работници со плата далеку под просечната

Читај повеќе

Сабота и недела неработни, породилно отсуство 1 година и зголемување на минималната плата, бара ССМ

Читај повеќе

Вархеји: Европа потфрли во Сребреница, се соочуваме со нашиот срам

Читај повеќе

ОН: Во камповите за семејства на џихадисти починале 700 луѓе

Читај повеќе

Нови 422 казни за неносење маска

Читај повеќе
  • filter

Од денеска скопјани ќе се возат во нови автобуси

Читај повеќе