Викторија Бекам, некогаш пејачка денес модна дизајнерка, позираше за насловната страница за најновиот број на кинеското издание на модниот магазин Vogue. Иако станува збор за елегантни црно-бели фотографии, еден фотошоп фејл го украде вниманието на јавноста.
Во една од фотографиите за магазинот, што Викторија ги објави на својот Instagram профил, таа ја држи својата нога свиткана во стил на фламинго, која што изгледа како да и е одвоена од торзото.
Најверојатно, во пост-продукција било направена грешка во програма како Photoshop. Или пак постои можноста фотографијата така да изгледа поради фактот што кошулата покрива дел од нејзините бутини, што се претопува со сивата позадина.
Без разлика која е причината, резултатот не е добар и чудо е како никој не го забележил овој фејл на познатиот магазин.
Останатите фотографии од сесијата, изгледаат сосема во ред.