Познатиот моден магазин Vogue објави текст во кој ја опишува Македонија како за привлечна и интересна дестинација на гурманите. Текстот почнува со констатацијата дека западните туристи често ја избегнувале државата поради конфликтите во опкружувањето.
Vogue објаснува дека тоа е неправедно со оглед на природните убавини, гостопримливоста на луѓето и храната која е една од најпријатните во Европа.
Голема предност според магазинот е што храната секаде се подготвува со многу страст и љубов, за разлика дали е тоа некаде во Скопје или пак во некои од руралните средини. Како вистински квалитет го спомнуваат тоа дека се се прави од природна храна без адитивите и конзервансите кои се дел од модерната западна кујна.
Целиот текст во кој се спомнуваат и неколку интересни ресторани и места за јадење низ Македонија може да го прочитате на страницата на Vogue.
