Волстрит: Nasdaq на највисоко ниво во последните три месеци

Индексите на Волстрит остварија силни добивки во средата, при што технолошкиот гигант Nasdaq го достигна највисокото ниво во последните три месеци, благодарение на серијата добри вести од деловниот сектор и добрите макроекономски показатели кои ја намалија загриженоста на инвеститорите за инфлацијата и зголемувањето на каматните стапки и претстојната рецесија.

Во средата, индексот Nasdaq зајакна за 2,59 отсто, на 12.668 поени, додека Dow Jones порасна за 1,29 отсто, на 32.812 поени, а индексот S&P 500 за 1,56 отсто, достигнувајќи 4.155 поени.

Најновите податоци укажаа на зголемување на нарачките за американската индустрија во јули, со олеснување на проблемите со синџирот на снабдување и намалување на притисокот на цените. Ова го зајакна уверувањето кај некои инвеститори дека економијата не е во рецесија и покрај падот на американскиот БДП во изминатите два квартали.

За доброто расположение на инвеститорите придонесе и последната серија деловни објави, вклучително и од Paypal и CVS Health Corporation. Сето ова му помогна на Волстрит да се опорави од неколкудневните загуби поради загриженоста за високата инфлација, зголемувањето на каматните стапки, забавувањето на економската активност и геополитичките тензии.

„Сезоната на објавување деловни резултати за вториот квартал е во тек и во најголем број случаи, од технолошкиот комплекс до производите за широка потрошувачка и индустријата, гледаме подобри резултати од она од што се плашевме и тоа засега ни е доволно“, изјави Сахак Мануелиан, директор на инвестициското друштво Wedbush Securities.

Акциите на Paypal пораснаа за речиси 10 проценти откако компанијата ги зголеми проценките за годината; од истата причина, цената на акциите на синџирот аптеки CVS Health порасна за 6,3 отсто, а цените на акциите на Apple и Amazon значително пораснаа, за речиси 4 отсто, а на Мета за 5,4 отсто.

Европските берзи вчера забележаа добивки и благодарение на добрите вести од деловниот сектор, при што лондонскиот Ftse индекс порасна за 0,49 отсто на 7.445 поени, франкфуртски DAX за 1,03 отсто на 13.587 поени, а париски CAC за 0,97 отсто на 6.472 поени.

реклама

Грците бесни на бојата на новите кошаркари: Ова не е наша репрезентација

Read more

Короната има нов симптом - заразените не се ни свесни дека е од вирусот

Read more

Ален Исламовиќ не се вика Ален, си го сменил името за подобра кариера

Read more

Цените на нафтата паднаа на најниско ниво од февруари

Read more

Бизнис

Цените на нафтата паднаа на најниско ниво од февруари

Read more

УЈП: Корисниците на МојДДВ може да се вратат на напредниот скенер

Read more

Волстрит: Nasdaq на највисоко ниво во последните три месеци

Read more

Пад на пазарот на смартфони во Европа

Read more
 

Вести

Локализиран пожарот кај Дојран и Богданци

Читај повеќе

Предпремиера на Мakedonissimo на пијанистот Трпчески во струшкото село Збажди

Читај повеќе

Петличковски: Засега нема потреба од нови рестриктивни мерки, треба да се подготвувaме за есента

Читај повеќе

На Табановце и на Богородица се чека до еден час

Читај повеќе

Почина еден од стожерите на Катедрата за италијански јазик, проф. Љиљана Узуновиќ

Читај повеќе

Лондонски музеј ќе ѝ врати на Нигерија 72 артефакта украдени во XIX век

Читај повеќе

Прогресивното одданочување останува отворено прашање, од данокот на добивка и на личен доход ќе се соберат 54 милиони евра

Читај повеќе

Фестивалот Браќа Манаки ќе се отвори со филмот „Божјата рака“ на 19 август

Читај повеќе

Потпишан указ за референдум за обединување на регионот Запорожје со Русија

Читај повеќе