Сопствениците на шведскиот автомобилски бренд кои имаат проблеми со шофершајбната или гумите можат да сметаат на бесплатна поправка.
Volvo во Велика Британија воведува нова програма насочена кон подобрување на безбедноста на локалните патишта.
Стар или нов автомобил, добро одржуван или не, секое Volvo регистрирано на Островот што има мали оштетувања на шофершајбната или гумите ќе се поправа во овластен сервисен центар на сметка на компанијата.
„Првиот бесплатен сервис за поправка во индустријата е дизајниран да им овозможи на сопствениците на возилата на нашиот бренд да се вратат на патиштата што е можно поскоро“, велат од Volvo UK.
Бесплатната програма за поправка се однесува на дупнати гуми или помали пукнатини на шофершајбната што може да се поправат без да се замени стаклото. Во случај на посериозни проблеми кои бараат замена на гуми или ветробранско стакло, услугата ќе се наплаќа.
„Покрај отстранувањето на помали оштетувања, новата услуга ќе помогне да се одржат автомобилите во подобра состојба и на тој начин да се подобри нивната безбедност. Ги цениме возачите на Volvo без разлика колку години го возат автомобилот на нашиот бренд. Затоа сакаме тие секогаш да бидат безбедни и мобилни“, изјави Кристијан Елвефорс, извршен директор на Volvo UK.