Познатиот милијардер Ворен Бафит не е голем оптимист кога се во прашање Биткоини и останатите криптовалути. Покрај тоа што никогаш не би вложил во нив, тој вели и дека не им предвидува среќен крај.
Милијардерот и филантроп не гледа среќен крај за Биткоин или за останатите криптовалути, тврдејќи дека нивната приказна нема да заврши убаво.
„Што се однесува до криптовалутите генерално, можам да кажам дека скоро сигурно нема да имаат среќен крај“, рече Бафит во интервјуто за CNBC.
Американскиот инвеститор го поддржа неговиот долгогодишен партнер Чарли Мангр, кој ја оцени високата вредност на Биткоин и останатите криптовалути ја оцени како „меур“ кој само чека момент да прсне.
„Не знам кога ќе се случи и како, но предвидувам дека ќе се случи падот на криптовалутите. Ако би можел да купам петгодишна претплата на криптовалутите однапред би го направил тоа, но не би се залажувал со следење на акциите на истите“, додаде тој.
Бафит не е првиот, а веројатно ниту последниот успешен милијардер кој ги критикува криптовалутите, но голем број од светските компании го охрабруваат тргувањето со истите.