На Арсенал, Ливерпул и Манчестер Сити им остануваат уште само 7 натпревари во бескрајната трка за титулата во Премиер лигата.
Моментално лидер е тимот на Арсенал со 71 бод, исто колку и второпласираниот Ливерпул, но со полоша гол-разлика, додека Манчестер Сити е третопласиран со бод помалку.
Најповолен распоред има Манчестер Сити, додека според моменталната ситуација најтешко би требало да му биде на лондонски Арсенал, кој брилјираше во последните неколку месеци и игра навистина феноменално, што се одрази и на табелата во најсилната лига во светот.
На Сити треба да му биде најтешко во последното коло кога гостува кај Тотенхем, додека Арсенал покрај гостувањето кај Спарс ќе има и гостување на „Олд Трафорд“ против Манчестер Јунајтед како и домашните дуели со Астон Вила и Челси.
Од друга страна, Ливерпул го очекува гостување кај градскиот ривал Евертон, шптоа кај Вест Хем и Астон Вила, како и домашен меч со Тотенхем.
Сѐ на сѐ, нѐ очекува исклучително возбудлив финиш на сезоната, а вреди да се напомене дека во случај на ист број бодови шампион ќе биде тимот со подобра гол разлика.
Интересно, заеднички противници во последните 7 кола на сите три аспиранти за тронот ќе им бидат Вулверхемптон и Тотенхем.
- Астон Вила (дома)
- Вулверхемптон Вондерерс (гости)
- Челси (дома)
- Тотенхем Хотспар (гости)
- Борнмут (дома)
- Манчестер Јунајтед (гости)
- Евертон (дома)
- Кристал Палас (дома)
- Фулам (гости)
- Евертон (гости)
- Вест Хем Јунајтед (гости)
- Тотенхем Хотспар (дома)
- Астон Вила (гости)
- Вулверхемптон Вондерерс (дома)
- Лутон Таун (дома)
- Брајтон & Хоув Албион (гости)
- Нотингем Форест (гости)
- Вулверхемптон Вондерерс (дома)
- Фулам (гости)
- Вест Хем Јунајтед (дома)
- Тотенхем Хотспар (гости)
