Времеплов: 33 години од највредниот пенал на Дарко Панчев
На 29 мај во 1991 година на стадионот „Сан Никола“ во Бари, Црвена звезда како претставник на поранешна Југославија стана европски шампион откако на пенали со 5:3 го победи француски Олимпик од Марсеј.
Македонецот шутираше во последната, петта серија, со десната нога биејќи неодбранливо за голманот Паскал Олмета, кој не ја погоди ни страната.
Заедно со Панчев титулата ја освои и Илија Најдоски, а двајцата станаа првите Македонци што се закитиле со признанието шампиони на Европа во натпреварувањето што понаредната сезона стана познато како лига на шампиони. Дури во 2010 година им се придружи Горан Пандев кога пехарот го крена во дресот на Интер.
