Од 1 јануари 2010 година до 22 октомври оваа година поднесени се 77.829 пријави доставени како молби од Македонци да примат бугарско државјанство, а од нив 77.726 врз основ на бугарско потекло, соопшти бугарската министерка за правда Десислава Ахладова.
65.675 граѓани на Република Македонија се стекнале со бугарско државјанство со декрет на потпретседателот за последните 10 години.
Овие податоци ги изнесе министерката за правда на Бугарија, Десислава Ахладова, на пратеничко прашање во бугарскиот парламент, пренесе Сител. Во сите случаи, основата за доделување на државјанство е доказ за бугарско потекло, додаде министерката.
„Во последните 10 години, нашата земја издаде најмногу пасоши на жителите на нашиот сосед во 2010 година - 11.724 примероци, а најмалку се издадени во 2013 година - 2.171 примероци“, рече Ахладова.
Во текот на оваа година, бугарски пасош добиле 6.712 Македонци.