За една година во Амазон уништени се шуми со големина на Либан

Уништувањето на шумите во Амазон во 2019 година е поголемо отколку што првично беше соопштено, се наведува во денеска објавениот владин извештај.

Бразилскиот Национален институт за истражување на Вселената во периодот од август 2018 година до јули 2019 година регистрира дека се уништени 10.129 км² шума.

Областа е со големина на Либан и е за 34,4 проценти повеќе од претходните извештаи за уништувањето на шумите во истиот период претходната година.

Според претходните податоци биле уништени 9.762 км² шума или 29,5 проценти повеќе од претходната година.

Податоците за 2019 година покажуваат најголемо уништување на шумите во бразилскиот дел на Амазон од 2008 година.