Здравјето на цревата влијае на здравјето на целиот организам, па затоа е неопходно да им се посвети поголемо внимание.
Цревата се одговорни и за варење на храната, нејзино претворање во енергија и апсорпција на хранливи материи. Кога станува збор за слабеење, повторно е важно да се грижите за здравјето на цревата. Постојат многу начини на кои можете да го направите ова, но можеби најпаметната работа е да консумирате храна богата со хранливи материи како овошје и зеленчук. Додатоци како пробиотици, но и влакна се исклучително важни за здравјето на дигестивниот систем.
Кога станува збор за течности кои ќе го заштитат здравјето на цревата, еден од најдобрите е јаболковиот оцет. Зошто е толку добар, открива нутриционистката Џенифер Ханвеј.
Самото име открива дека јаболката се главната состојка на јаболковиот оцет, тој е производ на ферментација и на крајот добиваме производ кој ни е познат.
„Иако јаболковиот оцет помага при слабеење, тој секако не е магичен пијалак и нема да ги надополни сите важни хранливи материи. Доколку сакате здраво да ослабете, фокусот треба да биде на здрава исхрана и вежбање, а најдобар начин е да следите исхрана со помалку јаглехидрати, но богата со протеини и овошје и зеленчук“, вели таа.
Што се однесува до здравствените придобивки, Ханвеј наведува дека јаболковиот оцет може да помогне во намалувањето на нивото на шеќер во крвта.
„Кога јадете храна која е богата со шеќер или рафинирани јаглехидрати, нивото на шеќер во крвта се зголемува. Штом се случи ова, панкреасот произведува хормон инсулин, кој му кажува на телото да складира храна како маснотии. Клиничките студии покажаа дека конзумирањето на јаболков оцет може да биде дел од оброк кој ќе го ублажи овој процес“, објаснува тој.
Кога ќе додадете јаболков оцет во салати или зеленчук, тоа ќе помогне во разградувањето и варењето на тешко растворливите влакна, а кога храната лесно се вари тогаш телото многу полесно ќе ги апсорбира сите витамини и минерали од неа. Џенифер Ханвеј додава дека доколку користите органски оцет, нефилтриран, тој ќе биде потемен поради бактериите кои настанале при ферментацијата. Иако ова не е клинички докажан пробиотик, консумирањето разновидна ферментирана храна може да биде многу добро за одржување на здравјето на цревата.
Состојки:
3 помали јаболка - оставете ја кората
3 лажици шеќер
800 мл филтрирана вода (важно е водата да ги покрие јаболката, па додајте ако е потребно)
Подготовка:
Измијте ги и исечете ги јаболката и ставете ги во добро измиен и исушен сад. Измешајте го шеќерот со водата и прелијте ги јаболката. Затворете го садот - добро е да користите хартиен капак или газа). Оставете ја смесата 2-3 недели на страна, на темно.
Процедете ја течноста и фрлете ги јаболката. Вратете ја течноста во истиот сад и затворете. Вратете го садот таму каде што стоел (топло и темно место) и оставете околу 4-6 недели. По 4 недели проверете дали има вкус каков што сакате, и потоа можете да го користите.